ماذا قال عمرو محمود ياسين عن مرض زوجته الإعلامية آيات أباظة؟

 تحدث المؤلف عمرو محمود ياسين، عن مرض زوجته الإعلامية آيات أباظة.
وقال عمرو: "خضنا تجربة علاج السنة اللي فاتت بأدوية وجراحة وخلصنا واحتفلنا ببشائر الشفاء ودخلت أشتغل وننسى اللي كان، وبعد ما المسلسل خلص، بنعمل فحص اتضح فيه مشاكل وبدأنا رحلة علاج جديدة، يمكن الكلام ده سهل، لكن التفاصيل صعبة جدا".

وتابع: "وإنت رايح تعمل الفحص مش عاوزين نسمع إلا كلمة واحدة كله تمام، لكن الدكتور بيقولك لسه النتيجة، وبفضل قاعد كل الوقت ده في حالة رعب حقيقي، اللحظة اللي بيجيب فيها نتيجة الفحص بشوفه وألاقي فيه مشكلة وهي تسألني إيه الأخبار بعيش تفاصيل صعبة، هي مش متخيلة إن فيه حاجة، وعلشان أقول وأشرح صعبة جدا، التفاصيل مرهقة .. الناس بتسأل إيه الأخبار وإحنا بنعرفهم، لكن الليالي دي بتعدي ازاي من ألم وتعب وإرهاق".

وأضاف: "عرفت آيات من أولى ثانوي وقرأنا فاتحة بعد ثانوية عامة وتالتة جامعة اتخطبنا ورابعة اتجوزنا، من هنا تيجي صعوبة التجربة، لأنها عاشت معايا أكتر ما عاشت مع أهلها".